二零零九

2009年尾，又來到好老套的回顧時間。2009，本人可說是經歷了N底衰退。事業，愛情，健康，學業，無瓣掂。不過，終極一跌相信已經過去，2010Q1有無谷底反彈？希望有啦。

2009，自覺成長了不少。好多朋友說我，你反應好慢！你以前唔係咁架！

其實呢，我都覺架。以前有個句PUT個句，而家，講乜都要諗3轉先講。出個EMAIL都要用半個鐘。有好多野，諗完3轉之後，會覺得講來做乜？唔講好過啦。自覺多餘事已經做得太多。多餘野，我更加唔想講。呢項成長，好定壞？有好有壞啦，正如有一次同Katherine媽媽講，我比人恰到上心口竟然唔識反應。但係反應到，又代唔代表係好？只可以講，我對得住自己丫。

被人精神上強姦了一年半載（雖然2010應該陸續有來），但我仲未出事。呢樣，都總算係一個achievement。雖然我條命可能已經短左幾年。

無既，呢個世界，跌低之後，最緊要識得自己爬番起身。無論邊一方面都係。2010，志願係做瀟洒組。祝各位新年快樂！

2009喜事亦非常多，謹祝唐SIR夫婦新婚快樂，白頭到老，永結同心！