二零零九

2009年尾，又來到好老套的回顧時間。2009，本人可說是經歷了N底衰退。事業，愛情，健康，學業，無瓣掂。不過，終極一跌相信已經過去，2010Q1有無谷底反彈？希望有啦。

2009，自覺成長了不少。好多朋友說我，你反應好慢！你以前唔係咁架！

其實呢，我都覺架。以前有個句PUT個句，而家，講乜都要諗3轉先講。出個EMAIL都要用半個鐘。有好多野，諗完3轉之後，會覺得講來做乜？唔講好過啦。自覺多餘事已經做得太多。多餘野，我更加唔想講。呢項成長，好定壞？有好有壞啦，正如有一次同Katherine媽媽講，我比人恰到上心口竟然唔識反應。但係反應到，又代唔代表係好？只可以講，我對得住自己丫。

被人精神上強姦了一年半載（雖然2010應該陸續有來），但我仲未出事。呢樣，都總算係一個achievement。雖然我條命可能已經短左幾年。

無既，呢個世界，跌低之後，最緊要識得自己爬番起身。無論邊一方面都係。2010，志願係做瀟洒組。祝各位新年快樂！

2009喜事亦非常多，謹祝唐SIR夫婦新婚快樂，白頭到老，永結同心！

真深交

自問在云云同事間, 在下與某怪獸最熟. 有一天, 同事問我, 呢條友無惡不作, 你估佢係咪真係以為人地睇唔穿佢做緊乜呢?

根據我對怪獸的理解, 我好肯定的答, 唔係. 他並非有心當你傻仔. 他根本不覺得自己有甚麼會被人看穿. 他根本就不覺得自己有問題. 這種狀態, 我稱為”真深交”.

**************************************

有真, 當然也有假. 假的那種, 每一膠都有其目的. 他的智力正常, 甚至高超. 他的所作所為, 令你知道甚麼叫一山還有一山高, 要處處提防. 你看得穿, 夠薑你就篤爆佢. 他, 是有羞恥之心的, 始終有一天會回頭是岸.

遇著真心膠呢, 大劑矣.

港交所主席問, 怪獸每天幾點回到公司. 秘書支吾以對. 主席說, 是時候跟怪獸好好談一下. 他害怕怪獸每天遲到, 會令公司其他同事留下壞印象.

言下之意, 是主席以為怪獸在大家心目中的印象都好好, 可是繼續每天遲到下去, 就會不好了. 我的天, 周邊的同事個個都”被膠”得患有抑鬱症了, 你還來這一套.

兩日後, 我們都被怪獸邀請去喝和頭酒. 被屈被請吃飯比被屈請吃飯更痛苦.

**************************************

習近平說三權要互相合作, 面不會紅.
流奶強說要搞十三億人公投, 他覺得自己好型.
曹二寶說香港要兩支管治隊伍, 他真心相信自己的話.
把劉曉波收監了, 太好了, 中央真的覺得為民除害了, 你們外國人指指點點嗎, 我判十一年. 吹漲.

**************************************

假膠, 我總可以理解. 大家搵食, 何須太認真.
真膠, 我除了自己走, 別無選擇.

請抓緊你的外國居留權.

壞人難做

承下文, 子寬好玩, 因為夠百厭. 唔百厭的, 通常都跟我無乜兩句. 補習學生亦如是, 越似小綿羊, 我越早唔補, 因為太悶了.

**********************************

這世界不需要乖仔.

上星期五, 回家路上碰見Miss Wong. 她從來沒教過我, 但有跟過少少English Debating Team 和HKMUN的事. 她一野叫出我中文名. 我問點解你會知我中文名? 她說, 想當年, 你最寸嘛.

See? 我係乖仔的話, 哪有人記得啊.

當然, 不是一定要曳才有人記得, 好些標青的人(如我那個今時今日都未開facebook和過馬路真的不會衝紅燈的那個好朋友)都會名留千古. 但我等平庸之輩, 還是轟轟烈烈做些岐視事比較好.

P.S. 他們說, 現在的協恩在任何場合都會唱 Today We Are One. 我好沾沾.

**********************************

曳跟壞, 完全是兩碼子事. 壞, 套在陳冠希身上就好正, 套在其他人身上嘛...

遇著不如意事, 很容易會想, 早知單野會瓜就hae做, 早知佢o甘衰就唔對佢o甘好, 早知佢o甘仆街就問候佢屋企, 早知乜乜乜物物物…

如果我愛蒲愛玩忽冷忽熱不知所謂, 你會不會愛我多一點?
如果我那天當場就把你罵個半死, 你會不會懷念我多一點?
如果我是個茅山師傅, 我會不會有錢一點?
如果我給了貼士給老母買股票, 我會不會發了達?...

我相信, 每個人或多或少都會想做點壞事. 可以是四圍溝女, 可以是出去滾, 可以是劈腿, 偷, 呃, 拐, 騙, 搶, 乜都得. 分別只在做得出與做不出. (當然, 劈腿也要看有沒有人配合啦…)

講o甘多做乜jek. 做得出先算啦. 你當陳振聰流的麼?

喪禮小記

大舅父病了，一直都知道，但沒有探望。上次見是在姐姐婚禮，今次，已是在靈堂了。

我記得，細細個與大舅父和其他舅父都是比較多見面的，畢竟大家住得近，也還未移民。

其後，表弟表妹相繼出世，但其實，我未曾試過與他們玩在一塊。移民過後回來，有幾年拜年也有見面，然後各自打各自的貪食蛇，再之後是NDS，再之後，表弟妹都好型的到外國讀書了，我就留在香港篤手指。現在啦，勉強都算認得lor。香港的Family，大概都是這樣罷?

席散，寒暄幾句。還有親戚以為我將要做個律師。還有親戚說我是籃球健將。老媽子答得好，"佢文員哩架咋！" Wei,你早幾年都識O甘答咪好lor。現在的我，其實甚麼都不是了。隻腳仲腫左tim。哈。

不過，見到大家安好就好了。

大舅父，一路好走。

＊＊＊＊＊＊＊＊＊＊＊＊＊＊＊＊＊＊

今晚不盡傷感，多得子寬。上次家姐結婚，這個表弟整晚追著我叫胖娘胖娘。今晚，他追著我叫我表哥，我又追著他叫他表妹。他說他不喜歡女生。撞鬼了。

每個人心中都有一個港交所主席

李安說: 每個人心中都有一個斷背山.
我說: 每個人心中都有一個港交所主席.

*************************************

誰是港交所主席?
有人會答夏佳理, 有人會答李小加甚至周文耀, 但他們都錯了.

見我和我 department 另一同事笑得衰衰格格, 秘書小姐與會計先生當然知道我們不是在說夏佳理, 可是卻怎麼猜都猜不中誰是港交所主席. 由此可見, 誰是港交所主席, 是因人而異的.

*************************************

你是不是到現在都不知道港交所主席是誰?

算了, 我直接說就好了. 港交所主席, 咪就係講膠野的人囉. 但這個人非同小可. 任何人都可以講膠野, 可以是你細佬, 可以是你樓兄弟, 可以是你個仔/你條仔, 但能夠成為主席, 就是另一個層次了.

*************************************

好多人分不清楚講膠野與講爛gag 的分別.

講爛gag,誰說都不至令人厭惡, 但膠野, 出自一個你不可以還口的人口中, 就真係一肚火. 你要陪著一起膠嗎? 先要儲起一堆膠(即stock), 去跟主席exchange 啊. 講完, 成把口都膠晒, 但前途說不定明朗一點.

我贏了!!!!!!!!! (18+)

秘書轉達, 某manager 繼昨日請一日病假後再請多半日病假, 理由是”眼痛”.

男同事: 咩眼先? (頂, 反應使唔使快成O甘…)

我隨即造了某個英文字母的手勢.

男同事: O甘又係慘D, 好痛架嘛, 行路gut 下gut下O甘會好辛苦.

我: 你體諒下人啦. 你應該好明白佢感受既. 你O甘有 experience.

男同事臉如死灰, 大叫, “頂! 輸左!”

不看。不聽。不想

最討厭一個人在家。
剛KO了一個考試，心情是HAE的，可是就是不知怎麼HAE才好。執房，不想；看書，不想；做運動，又周身傷不可以太CHUR。不知道怎麼HAE，就會屎忽痕看人家的FACEBOOK。

最討厭一個人在家。
看亞洲星光大道，好好聽，但太多慘情歌，首首都好似講緊自己。我頂你個肺。

最討厭一個人在家。
因為想起以前一個人在家，就會帶你回來陪自己。

一個月加一星期。炸毀了的有很多，但還有很多。

新生活。要好好過

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

這一個字母 那一闕樂與怒
每一個月初的八號
這一帶別到 這齣戲別再做
這種藍綠色 不要亂塗
對你有過這麼深的愛慕
處處是記號

舊情太多 新生活要好好過
世間要除去什麼
物証摧毀掉五千億個
也不要留低一個

某些名共姓 某餐店的風景
某一套漫畫主角造型
掃光了物証 炸毀全部風景
難道懷念方可以暫停
與你有過這麼多的約定
處處是記認

讓我將生活徹底擊破
砌一個全新的我
將生活再清洗過
到底我還有什麼
就算摧毀掉五千億個
我心裡還有一個

生存之道

我一直以為,

弱智人士未必有生存的本領, 但絕對有生存的權利, 所以他們都生存了.

八婆沒有生存的權利, 但大多都有生存的本領 (且十分高強), 所以他們都生存了.

但我怎想都不明白, 弱智的八婆是如何存活下來的呢?

*******************************************

她: 你點解send email 前唔問過我?
我: 其他party 無 comment 啦wor.
她: 我明明一早send 左email 話今晚 sign off, 無話係7點, 你無啦啦同大家講提前要7點比曬comment, 搞到大家好frustrated!
我: (慌)Email? 有咩??????
(check email 後)
我: 唔係wor, 你email 話叫人6點前比comment 你, 我宜家叫7點, 點會係提前左呢???????
她: Errr……我呢, 叫人6點前比comment, 唔等如係6點sign off 嘛…你下次明啦…哈哈…因為我都未睇份野!
我: ……
她: 同埋呀, 點解要O甘早sign off 先? 聽日3點交貨, 今晚7點sign off? 點解要O甘耐?
我: Printer要執字粒呀.
她: 執字粒? 乜野係執字粒?
我: (燥)執字粒係印刷的其中一個步驟.
她: 即係點?
我: (燥)我又唔係做廠既, 我點解釋比你知! 我唔知!
她: 執字粒廣東話即係乜?
我: (咆哮) 執字粒廣東話咪執字粒lor!!!!!!!!!!!!!!!!!!!!!!!!!!!!!!
(全公司同事暗笑)

*******************************************************

算啦, 昨日的事昨天了, 本少爺今日心情靚到爆廠(想知原因可以PM我), 有咩唔開心野/負面野/點我做野, 留番拜山先講啦!

蝗災為患

那盒energy bar 是我要求買的, 我只吃過一條!
那疏蕉是我要求買的, 我一條都沒吃過!
我帶回公司的那包了結糖, 我一粒都未吃過, 不過兩日已消失了!

我可唔可以下次夾少D錢呀…?