斯洛

世界盃期間，聼到身邊很多誤會，包括以爲斯洛文尼亞(Slovenia)與斯洛伐克(Slovakia)是朋友。

雖然斯洛文尼亞與斯洛伐克都是“斯洛“字頭，甚至國旗也看來差不多（其實應該是因為創意欠奉），但他們並非出自同一系列，根本毫無關係。斯洛文尼亞與塞爾維亞(Serbia)，克羅地亞(Croatia)，黑山共和國(Bosnia and Herzegovina)，馬其頓(Macedonia)等等都是由南斯拉夫(Yugoslovia)分裂而成；而斯洛伐克是于1993從捷克(Czechoslovakia)解體而成，所以現在已經沒有Czechoslovakia只有Czech Republic與Slovakia。

記得我第一次看的是1998年法國世界盃，當年南斯拉夫都幾勁的。由1991年起，南斯拉夫不斷分裂，裂完又裂裂完再裂，最近期代表作是2008科索沃(Kosovo)宣佈獨立。我記得，上屆世界盃外圍賽有隊塞黑(Serbia and Montenegro)，今屆塞黑已不存在，由2006年開始，只剩下塞爾維亞。估唔到幼稚園已經聼緊的鄭秀文那首薩拉熱窩的羅密歐與茱麗葉，今時今日竟然仲咁O岩咀。

正常來講，一個聯合的國家個pool較大，國力應該較強。但事實上，人才被嚴重攤薄的前南斯拉夫諸國表現一點都不失禮。克羅地亞就於1998年奪得世界盃季軍，兼於2008年歐國盃直接令英格蘭無法晉身決賽週；斯洛文尼亞只差一點點就可以晉身16強，實力足夠令英格蘭前幾日食唔安坐唔樂；由於塞爾維亞以貝爾格萊德為首都，所以我估佢算係舊南斯拉夫既core，有力砌低德國，個人覺得不算爆大冷。已分裂的捷克與斯洛伐克亦一樣，捷黑屆屆都係黑馬，亦出左個我曾經頗喜歡的巴路士；斯洛伐克就o岩o岩出線16強，雖然對荷蘭應該都係無運行，但對住意大利總算係好波。

巴爾幹半島諸國好窮，窮到嘔。一樣係分裂，捷克同斯洛伐克係無咁窮既，原因係無打仗。分裂還分裂，佢地係和平分手既。捷克人話，不如我地唔好再貼錢比O個班友仔啦。斯洛伐克人話，屌，無你使死咩。所以，斯洛伐克於1993年立憲宣佈獨立，期間只有和平示威抗議，係無打過仗既，幾型。

所以話，道不同，勉強係無幸福既。散水，亦無須郁手郁腳。

係呀我驚老點你地所以特登revisit番D歐洲地理，呢堆野係我趁老細未番到公司之前research過架。