小旅行

有一個月的長假期，本應是去長旅行的好機會，不過衰在要溫CFA（因為已commit了太多錢下去），無奈放棄。老母想我陪她去個短短的旅行，有一個月假期，不去絕對說不過去，所以到中旅報了個3天兩夜旅行團，啥都不用plan就好了。

第一次聽丹霞山這個名稱，學族長話齋，真的像練功的地方。事實當然相差甚遠，因為這是個老人團，參加者十居其九都是超過50歲的老人家，團友就以為我剛考完ALevel。

旅程第一站叫嶺南印象園，一開波以為又係欺騙遊客的XX樂園，睇完又覺得，um，都OK呀。地方政府要起乜起物，所以把當地練溪鎮整個剷起，只保育一小片。建築是嶺南建築風格，睇佢唔算新淨得離譜，我估係堅既。



蠔殼牆








有很多有關姑婆屋的資料：











結論是，有錢就唔使嫁人。

今個旅程包了一程河蟹號高鐵，平時5個鐘的路程縮短至45分鐘，由番禺搭到韶關只需人民幣110，又真係唔貴wor。



大到成個機場咁款的高鐵站


河蟹號


晚上入住溫泉酒店，意外驚嚇係酒店自助餐真係難食到嘔，意外驚喜係自費買隻走地雞做宵夜真係好好味，香到洗左幾次手，第朝仲聞到隻手有好香的雞味。

今個trip的主題係肚餓。酒店cheap還cheap，我唔係要求你好似5星級酒店standard buffet，但可唔可以唔係serve林的蛋卷，攤凍的蛋撻與一半乾一半濕的饅頭做早餐？！

唔講唔知，原來丹霞山正在申報世界自然遺產，如無意外今年7月就會正式成為世界自然遺產。中國咁多山，出名都不外乎係勁高或者勁怪。丹霞山並非勁高，所以是勁怪。最掂，一定係呢舊：



附近村民還開了個神位膜拜這舊神石，說拜完就有仔生云云。。其他怪石都好怪，不過霧太大，影相都無乜心機。行山徑有上有落，但部分老人家行到一半會頂唔順，而頂得順的老人家會沾沾足3日。

總括而言，丹霞山旅行值得推介，比帶住行得走得的老人家的朋友。