隔牆有耳：「世盃男」突襲有線記者
2010年03月23日
蘋果日報
繼「事旦男」喺無綫記者做 live時舉牌諷刺無綫新聞之後，有人有樣學樣，但今次被「突襲」嘅係有線記者。噚晚 7點 37分，有線記者譚嘉恒喺旺角行人專用區做 live報道空氣污染爆燈時，突然有人喺佢後面，高舉一幅寫住「有線最無恥 還我世界盃」嘅紙牌，喺畫面左邊經過，為時約三秒，仲吼正譚嘉恒講到一半時出招，搞到有線 cut唔到。
「世盃男」用紙牌遮住個樣，身形似中年人，着藍恤衫、深色褲，孭住個袋。但佢舉得唔夠專業，個「恥」字睇唔清。事旦男否認今次係佢搞鬼，因為佢對世界盃播映權爭議冇興趣。高登討論區上，署名「有線打手」嘅網民就自認係世盃男。
有線新聞及體育執行董事趙應春回應話，對事件唔意外，「家香港地各式各樣鍾意點樣表達都有」。佢話唔會叫前線記者刻意去避「世盃男」，亦唔會喺發出同類情況時 cut直播。
***************************************************
其實呢...
又要睇又要唔比錢,呢個世界真係O甘奉旨?
唔想比錢睇其實都有好多渠道,例如去商場大電視...
個人覺得,是否讓出部分世盃轉播權,應是商業決定,亦有contract規範,當中並不,亦毋須牽涉道德層面的考慮。世界盃嚴格來說又不是甚麼生活necessity（雖然對我來說是的，所以我裝了有線）。
我唔清楚FIFA條例點定,但如果有線堅持做法,無線唔肯制,FIFA又唔反對,看不出甚麼理由要對有線口誅筆伐?
小朋友, 98年或之前你係點睇世界盃的? 你出世未?
回覆刪除仲有, 唔該你睇下世界其他國家直播情況
回覆刪除http://en.wikipedia.org/wiki/2010_FIFA_World_Cup_broadcasting_rights
仲有, 唔該你睇下世界其他國家直播情況
回覆刪除http://en.wikipedia.org/wiki/2010_FIFA_World_Cup_broadcasting_rights
匿名兄你好,
回覆刪除小弟的確是98年才開始看世界盃的,未指教.
看過你提供的WIKI link,看得出其他國家都是free-to-air的.
但這顯示了甚麼呢?就是香港的免費電視台沒有成功競投世界盃轉播權lor.So what?
我寫的這篇文章,純粹想說,有線投得世盃轉播權,不是有線的錯.人家可是真金白銀投回來的,沒有義務派街坊,不派街坊亦不可恥.
當然,如果FIFA最後判定有線做法違規,那是另一回事.
1998年, 我相信你已經忘記左你當年係透過乜野電視台睇乜野電視, 否則, 你絕對不會講出以下言論:"又要睇又要唔比錢,呢個世界真係O甘奉旨?"呢個世界就只有香港同極少數中東北非國家唔係"奉旨", 顯示乜野? 憑你答案, 我真係非常高興, 現今小朋友的思想實在太過單純, 非常單純, 世上從此沒有奸人, 有線以往用的一切手段將來就會消失, 為世界回復簡單而乾杯, 小朋友, 你前途無限, 畢竟, 呢個係你私人地方, 唔0係度同你研究阻住你啦, 但奉勸一句, 不要被金錢沖昏頭腦, 祝你成功!!
回覆刪除